រថយន្តបុករថយន្តបណ្តាលឲ្យបុរសម្នាក់រងរបួសធ្ងន់នៅក្រុងបាវិត
27-October-2018 | ដោយ ពលមនសិការ
ស្វាយរៀង៖ បុរសម្នាក់បានរងរបួសធ្ងន់ត្រូវបានសាច់ញាតិបញ្ជូនទៅសង្គ្រោះបន្ទាន់នៅមន្ទីរពេទ្យភ្នំពេញបន្ទាប់ពីជួបករណីគ្រោះថ្នាក់ចរាចរណ៍រវាងរថយន្តនិងរថយន្ត។ ហេតុការណ៍គ្រោះថ្នាក់ចរាចរណ៍ខាងលើបានកើតឡើងនៅថ្ងៃសៅរ៍ ០៣រោច ខែអស្សុជ ឆ្នាំច សំរឹទ្ធស័ក ព.ស២៥៦២ ត្រូវនឹងថ្ងៃទី២៧ ខែតុលា ឆ្នាំ២០១៨ វេលាម៉ោង០៧និង៣៥នាទី នៅលើផ្លូវជាតិលេខ១ ចន្លោះគីឡូម៉ែត្រលេខ១៤៨-១៤៩ ស្ថិតក្នុងភូមិជ្រៃធំ សង្កាត់ព្រៃអង្គុញ ក្រុងបាវិត ខេត្តស្វាយរៀង។
មន្ត្រីនគរបាលខេត្តស្វាយរៀងបានឲ្យដឹងថាមុនពេលកើតហេតុមានរថយន្តកុងតឺន័រមួយគ្រឿងម៉ាក ហ៊ីយ៉ាន់ដាយពណ៌ស ពាក់ស្លាកលេខ ភ្នំពេញ 3E-3812 និងកន្ទុយរ៉ឺម៉កពាក់ស្លាកលេខ សីហនុ 4A-1696 បើកបរដោយឈ្មោះ ផៃ ផូ ភេទប្រុស អាយុ៣១ឆ្នាំ ជនជាតិខ្មែរ មុខរបរបើកបររថយន្ត មានទីលំនៅភូមិគោករលួស ឃុំដំដែក ស្រុកសូទ្រនិគម ខេត្តសៀមរាប បើកបរពីលិចទៅកើតលុះមកដល់ចំណុចកើតហេតុខាងលើ ក៏មានរថយន្តមួយគ្រឿងម៉ាកទីតាន់ ពណស ស្លាកលេខ ភ្នំពេញ 3B-0405 បើកបរដោយឈ្មោះ ប៊ិន សុភា ភេទប្រុស អាយុ៣៨ឆ្នាំ មុខរបរបើករថយន្តមានទីលំនៅស្រុកពាមរក៍ ខេត្តព្រៃវែង បានបុកប៉ះពីក្រោយបណ្តាលឲ្យរងរបួសជើងខាងឆ្វេងធ្ងន់។មន្ត្រីនគរបាលដដែលបន្តថា មូលហេតុរថយន្តកុងតឺន័របែកទីយោប្រេងបណ្តាលអោយឈប់។
បច្ចុប្បន្នអ្នករងរបួសបញ្ជូនត្រូវបានទៅព្យាបាលនៅមន្ទីពេទ្យភ្នំពេញ។ រីឯវត្ថុតាងទាំង០២គ្រឿងសមត្ថកិច្ចយកទៅរក្សារទុកនៅអធិការនគរបាលក្រុងបាវិតចាត់ការតាមនីតិវិធីច្បាប់៕
ចំនួនអ្នកទស្សនា
- ថ្ងៃនេះ891
- ម្សិលមិញ16391
- សប្តាហ៍នេះ47121
- ខែនេះ162271
- ឆ្នាំនេះ162271
- សរុប20604727